Portali i Kremlinit Sputnik, në një shkrim të posaçëm të tij thekson se ndërsa BE-ja tashmë e ka marrë në dorë për ta zgjidhur “nyjen Kosova”, Moska ka bërë gati për ta bllokuar në OKB.
Sputnik ka sulmuar qeverinë serbe, e cila ka lejuar që dialogu apo negociatat për Kosovën të zhvendosen nga Nju Jorku, pra OKB, në Bruksel.
Sipas portalit të Kremlinit: “beteja diplomatike e Kosovës do të kryhet në dy pista – OKB dhe BE.
Rusia nuk do të lejojë që Kosova të bëhet anëtare e OKB-së, ndërkohë që në BE hapësira manovruese e Serbisë është mjaft e ngushtë”.
Në seancën e Këshillit të Sigurimit të OKB-së kushtuar Kosovës, ambasadori rus Vasily Nebenzja tha se 10 vjet pas shpalljes së njëanshme të pavarësisë , mbështetësit e projektit duhet të marrin në konsideratë pasojat e vendimit të tyre, duke deklaruar se “sot nuk ka perspektivë të qartë” të Kosovës, dhe se aplikimi i Kosovës për anëtarësim u refuzua nga institucionet ndërkombëtare.
Ambasadori rus akuzoi Prishtinën se nuk respekton marrëveshjen për krijimin e Bashkësisë së Komunave Serbe, duke theksuar për tolerancë zyrtarët e BE-së.
“Nuk ka ende asnjë tregues të qartë se kur do të hyjë në punë Gjykata Speciale për krime të UÇK-së ndërkohë që Beogradi tregon gatishmërinë për të vazhduar dialogun dhe është garti për kompromis”, tha ambasadori rus.
Ndërkaq, ambasadorja amerikane në OKB, Nikki Haley tha se situata në Kosovë në dhjetë vitet e fundit është përmirësuar në “një demokraci multietnike të fortë, por ka gjithmonë vend për përmirësim”, duke shtuar se SHBA dëshiron “paqe të vërtetë”.
Ajo tha se Beogradi dhe Prishtina duhet të bëjnë “sa më shpejt të jetë e mundur një marrëveshje për normalizimin e marrëdhënieve dhe kjo do të ishte një fitore për të dyja palët”.
Predrag Rajiç nga Qendra për Stabilitetin Social e Shkëmbim Diplomatik, një OJF e krijuar dhe e financuar nga Moska thekson për Sputnik se “së shpejti do të ketë një përplasje të fortë ndërmjet SHBA-së dhe Rusisë për Kosovën, ku “territore shkëmbimi ” mund të bëhen Ukraina dhe Kosova.
“Rusia, edhe pse gjendet mjaft e impenjuar me Ukrainën dhe Rusinë nuk e ka harruar Kosovën dhe po tregon forcë të madhe duke iu kundërvënë të gjithë fuqive të mëdha”, tha Rajiç për Sputnik.
Portali i Kremlinit thekson se zhvendosja e negociatave nga Nju Jorku në Bruksel, ka hequr nga dora e madhe dy element të fortë, të cilët janë Rusia dhe Kina, si anëtarë të përhershëm të Këshillit të Sigurimit.
Analisti Dragomir Andjelkoviç, thekson ndërkaq se “Rusia është në një pozicion të vazhdojë të jetë për të ndihmuar Serbinë, duke përfaqësuar interesat e saj në Këshillin e Sigurimit, ose duke parandaluar hyrjen e Kosovës në Kombet e Bashkuara, dhe në anën tjetër, më pak mund të ndihmojë Serbinë se më parë për shkak zhvendosja e çështjes së Kosovës nga OKB në BE”.
Sipas Sputnik mbajtja ende në fuqi e rezolutës 1244 të OKB-së që e cilëson Kosovën si pjesë të Serbisë, është një dokument që pengon automatikisht hyrjen e Prishtinës në OKB.
Rusia i ka dërguar diplomat ministrisë së Jashtme Serbe, për të vepruar në hartimin e marrëveshjes Serbi-Kosovë në BE. Sputnik thekson se e rëndësishme do të jetë çfarë do të përmbajë marrëveshja, mëshumë se fakti i ekzistencës së marrëveshjes.
“Nëse marrëveshje nis me faktin se ekziston Rezoluta 1244 dhe gjithçka bëhet duke filluar nga kjo Rezolutë, problemet Beograd-Prishtinë mund të kthehen teknike, paso politikiasht janë të zgjidhura.
Por nëse do të kemi një marrëveshje që në njëfarë mënyre pezullon rezolutën 12 44 dhe imponon një realitet të ri politik, duhet të jetë është absolutisht e papranueshme”, thaAngjelkoviç.
Sipas tij, “Nëse është e nevojshme, mund të flitet për një lloj zgjidhje kompromisi e cila përfshin kufijve të rinj në Ballkan, jo vetëm në Kosovë, por edhe çështja e Republika Srbska është e rëndësishme për t’u hapur”.
Sipas tij, Serbia duhet të heqë dorë nga Kosova nëse merr ndonjë konçension të madh.
“Nganjëherë teza është se rusët janë serbë më të mëdhenj sesa serbët. Ajo thjesht nuk qëndron. Rusët janë partnerët tanë në mbrojtje të interesave serbe, ndaj edhe Serbia duhet të jetë korrekte ndaj Moskës.
Amerika nuk duhet të lejohet të përfshihet në dialogun mes Beogradit dhe Prishtinës në Bruksel”, thekson Predrag Rajiç, i cili shton se nëse kjo ndodh duhet që të përfshihet edhe Rusia. /tesheshi.com/
