Portali rus Sputnik, ka botuar një analizë të gjatë mbi përqëndrimin e shërbimeve sekrete të gjysmës së botës në Maqedoni, po i vetmi që dënohet, sipas tyre, është BIA-spiunazhi serb.
Sipas Sputnik, në hotelet e shtrenjta të Shkupit janë instaluar jo vetëm shërbime sekrete perëndimore, por edhe zyrtarët e inteligjencës nga Greqia, Bullgaria, Britania e Madhe, Siria etj.
“Rasti” i anëtarëve të BIA-s serbe në Kuvend, gjatë trazirave të 17 prillit është zgjidhur mes Shkupit dhe Beogradit, me anë të një takimi të nivelit të lartë të agjencive të zbulimit të Maqedonisë (AR) dhe Agjencsë së Sigurimit Serb (BIA).
Në takim u arrit një marrëveshje ku do të zëvendësoheshin me njerëz të rinj, të dy struturat e ndërsjellta të agjencive të spunazhit në Beograd dhe Shkup.
Ivana Babanovska, profesoreshë në akademinë e spunazhit në Shkup dhe ish-zyrtare e lartë e UDB-së jugosllave, theksoi për Sputnik se Shkupi tashmë është bërë një “fole grerëzash”.
Është i njohur fakti se në çdo ambasadë, në çdo vend të botës ka seli inteligjencës brenda personelit diplomatic, që kanë për detyrë për të përfaqësuar dhe të kujdesen për interesat e shtetit të tyre në vendin ku ata janë.
Babanovska thotë se oficerë të huaj të sigurisë në ambasada janë zakonisht Sekretarë të dytë, të cilët kanë detyrat e karakterit të inteligjencës.
“Detyra e këtyre oficerëve, është mbrojtja e misionit diplomatik të shtetit që ata përfaqësojnë, por edhe për të bërë detyrat e inteligjencës të lidhura me interesat e vendit të tyre. Kjo përfshin arritjen e bashkëpunimit intensiv dhe miqësor me agjencitë e vendit pritës, por edhe për të mbrojtur interesat e politikës shtetërore”, thekson ajo.
Profesoresha Babanovska thotë se në Maqedoni janë ngulur dhjetra agjenci të huaja dhe se, kohët e fundit, Turqia ka rritur kapacitetin e tyre të personelit në fushën e inteligjencës me 300 për qind.
Ajo thekson, se kjo nuk do të thotë se Turqia ka disa qëllime të këqija ndaj Maqedonisë, por ajo punon në mënyrë që të mbrohen interesat dhe investimet e kompanive turke në Maqedoni.
Ndërkaq, qeveria e Zoran Zaevit ka kërkuar që të tërhiqet këshilltari i Ambasadës së Serbisë që ka marrë pjesë në seancën e 17 prillit kur u dhunua Zoran Zaevi dhe Zijadin Sela.
Por ish-spiunja e UDB-së, thekson se dëbimi i oficerit të BIA-s serbe është bërë me insistim të zbulimit amerikan CIA.
Ivana Babanovska e konsideron këtë ndikim normal, pasi SHBA ka interesa gjeostrategjike në territorin e Maqedonisë.
Kjo vlen për të shërbimet britanike MI5 dhe MI6, por dhe BND, agjencisë shumë të rëndësishme dhe të fuqishme në Europë, që është shërbimi gjerman i inteligjencës.
“Ka edhe shërbime, jashtë shteteve anëtare të NATO-s që veprojnë në Maqedoni. Ata nuk kërcënojnë sigurinë tonë apo sigurinë e vendeve të tjera, të tilla si Serbia.
Ata e bëjnë këtë për të mbrojtur sigurinë e BE-së, e cila është kërcënuar me struktura terroriste”, thotë Bogdanovska.
Ajo shton se kohët e fundit në Maqedoni ka rritur shumë veprimtarinë shërbimi iraken i spiunazhit, por edhe shërbimi sirian.
Milenko Nedelkovski, një analist nga Shkupi, duke përshkruar një paralele historike thekson se “Maqedonia është e ngjashme me Lisbonën gjatë Luftës së Dytë Botërore”.
“Maqedonia, dmth Shkupi, që nga konflikti i vitit 2001, u sulmua nga territori që ndodhej nën kontrollin e OKB-së (Kosovë), ku ishte dhe qendra e shërbimeve të inteligjencës.
Ne jemi të mbushur me agjentë të të gjitha vendeve, dhe jo vetëm qeveritarë, por edhe agjentë të korporatave të mëdha, industrisë dhe bankave gjigante dhe industrinë farmaceutike”, tha Nedelkovski.
Ai, njësoj si profesoresha Babanovska, vë në dukje se shërbimi më voluminoz në Maqedoni është ai amerikan.
“Ata janë të lejuar të bëjnë çfarë të duan, Ka një “marrëveshjeje xhentëlmenësh” për të mos ndjekur penalisht zyrtarët e tyre”, thotë ai.
Nedelkovski thekson se Maqedonia është një terren shërbim shumë aktiv dhe për Shqipërinë, Bullgarinë dhe Greqinë.
Në lidhje me Serbinë, Nedelkovski thekson se ka mosmarrëveshje që lidhet me Kishën Ortodokse, pasi Patriakana Serbe nuk njeh autoqefalinë e Kishës së Maqedonisë dhe si rrjedhojë tensionet janë të lartë. /tesheshi.com/
