Sputnik ka avancuar sërish me lajmin e publikuar dy ditë më parë në lidhje me ndërtimin e një baze ushtarake të NATO-s në Mal të Zi. Sipas portalit të Klemlinit, një nga vendndodhjet më të preferuara për bazë të NATO-s në Mal të Zi është Gjiri i Valdanosit.
Duke folur për Sputnik, Igor Damjanoviç, ekspert dhe analist i këtij portal thekson se “Gjiri i Kotorrit dhe Gjiri i Valdanosit janë ofruar nga kryemiministri malazez Dusho Amrkoviç, i cili, ofertën për t’i dhënë NATO-s baza ushtarake e ka dhënë edhe në një intervistë për revistën e njohur Time.
Gjiri i Valdanosit, ndodhet 5 kilometra nga Ulqini dhe është një nga zonat më të bukura dhe të njohura në lashtësi. Përveç vendndodhjes së lakmuar gjeostrategjike, Valdanosi është i njohur pasi aty ndodhet një plantacion i mahnitshëm me 74 mijë drurë ulliri, që janë mbjellur po ashtu që në lashtësi.
Në kohën e Jugosllavisë, Valdanosi ka qenë pronë e ushtrisë federative por më pas gjithçka ka mbetur pezull. Shqiptarët kërkojnë rikthimin e pronave që i kanë pasur prej shekujsh, pikërisht aty, në atë zonë të lakmuar.
Për këtë zonë është zhvilluar edhe një përplasje mes Podgoricës dhe Moskës, pasi mendohet se ky gji është i pasur me naftë dhe gaz.
Nëse NATO vendos që të instalohet në Gjirin e Valdanosit, atëherë kjo do të ishte baza e dytë ushtarake në tokat shqiptare, pas Bondsteel-it në Ferizaj të Kosovës. /tesheshi.com/
