Portali propagandistik i Kremlinit ka theksuar në një mënyrë ironike atë që ai e quan “invazionin” e Shqipërisë nga ruso-folësit.
Bëhet fjalë për një numër të madh turistësh që kanë mbërritur dhe do të vijnë këtë vetë në Shqipëri.
“Sputnik” thekson se gjithçka ka ardhur nga efektet pozitive të heqjes së vizave për disa vende, miratuar së fundmi nga qeveria e Shqipërisë.
“Nga Bjellorusia, çdo javë po shkojnë drejt Shqipërisë një numër gjithnjë e në rritje.
Kompania turistike ‘Alert travel’ organizon udhëtimin e turistëve nga vendet rusofolëse. Ajo ka zhvilluar një fushate intensive promovuese së bashku me Ministrinë e Turizmit të Shqipërisë.
Agjencia sjell çdo javë, deri fund të shtatorit turistë nga Bjellorusia dhe Ukraina.
Vetëm nga Ukraina priten të shkojnë në Shqipëri këtë verë 8.000 turistë”, thekson portali rus.
“Sputnik” shkruan gjithashtu, se ulja e TVSH-së për turizmin, pritet të çojë në një bum në industrinë e turizmit, si dhe investime për të zgjeruar kapacitetin e akomodimit dhe përmirësimin e shërbimeve.
Portali rus thekson më tej se qëllimi i autoriteteve shqiptare nuk është thjeshtë për të rritur numrin e të ardhurve, por edhe përmirësimin e cilësisë së shërbimeve dhe zgjatjen e qëndrimit të turistëve.
“Autoritetet shqiptare janë të përgatitur dhe fletëpalosje me informacion në gjuhën ruse. Ky treg ka potencial të madh jo vetëm për Shqipërinë, por për të gjithë Ballkanin. Bjellorusia, me 9.5 milion banorë, do të rrisë ndjeshëm numrin e turistëve në Shqipëri këtë vit”, e mbyll “Sputnik” shkrimin e saj për Shqipërinë. /tesheshi.com/
