Portali i Kremlinit, Sputnik, ka publikuar një shkrim të gjatë mbi marrëveshjen e arritur dje ndërmjet presidentëve Erdogan dhe Putin, që konsiderohet një zhvillim shumë i rëndësishëm në gjeopolitikën botërore.
Sipas Sputnik, arritja e një marrëveshjeje natyrisht që është e një rëndësie të barabartë për të dy vendet, por, kur është fjala për pozicionimin në skenën politike botërore, Turqia pritet ketë përfitimet më të mëdha në arenën globale.
Në ditën e parë të vizitës së kreut të Kremlnit në Ankara, ai dhe Erdogan dhanë sinjalin për të filluar ndërtimin e centralit bërthamor “Akuju”.
Pas hapjes së punimeve me një lidhje video-live, ata qëndruan gati një orë e gjysmë në takim prapa dyerve të mbyllura.
Detajet e këtij takimi nuk janë shpallur. Megjithatë, Putin tha më herët se realizimi i marrëveshjes për dorëzimin e sistemit të raketave të mbrojtjes ajrore S-400 Turqi, është prioritet.
Delegacioni i Rusisë në Turqi është shumë i gjerë dhe përbëhet nga krerët e kompanive më të mëdha të këtij vendi, si për shembull presidenti i bordit të drejtorëve të “Gazprom” Aleksei Miller, i cili tha se faza e parë e gazësjellësit “Rrjedha Turke” do të përfundojë në muajin maj.
Marrëveshjet e firmosura në Ankara kanë peshë të jashtëzakonshme kur bëhet fjalë për bashkëpunim ndërkombëtar, por edhe për të pozicionuar këto vende në të ardhmen e zhvillimeve botërore.
Nemanja Staroviç, një profesor i shkencave politike në Universitetin e Novi Sadit thekson se “Gazësjellësi ‘Rrjedha Turke’ që do të sjellë gazin rus në BE ka një favor më shumë për Europën, por shitja e sistemit raketor S400 në Ankara është një shenjë shumë e rëndësishme. Ambiciet e Turqisë në shek. 21 janë jashtëzakonisht të larta duke marrë parasysh potencialin e saj demografik, teknologjik dhe ekonomik. Mjafton të kujtojmë se Turqia në 15 vitet e fundit ka trefishuar vëllimin e ekonomisë së saj dhe ritmet e rritjes janë ende shumë të larta, afër 10 për qind. Organizata për Bashkëpunim Ekonomik vlerëson se norma afatgjatë e rritjes ekonomike do të mbahet në këtë trend”, ka thënë Staroviç.
Ai shton se kjo politikë e re shkon në favor edhe të Rusisë, por më shumë të Turqisë.
Pasi sipas Statorivçit, Rusia e bën ngaqë është nën sanksione dhe kërkon blerës për mallrat e saj, kurse Ankaraja e bën sepse ka sufiçit, pra nuk ka problem të blejë mallrat ruse, duke marrë përsipër të përballojë tregun e paanë të Rusisë me prodhime të saj.
Kjo do të thotë para me shumicë. Shkurt, sipas analistit, Turqia po kërkon me shpejtësi të mbushë gropën e krijuar nga sanksionet e BE-së. Që në fakt SHBA nuk e ka braktisur kurrë por po përfiton të shesë mallra në Rusi, ndërkohë që Turqia është ofruar edhe si blerës, pra si partner real tregtar.
Sipas Sputnik, në një marrëdhënie luajale jepet dhe merret, kurse SHBA kërkon vetëm të imponohet me mallrat e saj në treg.
“Turqia nuk ka asnjë arsye të luajë rol të dorës së dytë në politikën e madhe, apo të jetë klient i ‘vëllait të madh’ në anën tjetër të oqeanit. Tani, Turqia po bën politikën e saj duke iu përputhur interesave te popullit të vet”, thekson Staroviç.
Sputnik, në analizën e vet për lineimin e një këndi të ri botëror thekson faktin se sot në Ankara ka mbërritur edhe presidenti i Iranit, Hassan Rouhani.
Të tre udhëheqësit do të diskutojnë mbi zbatimin e bisedimeve austriake mbi Sirinë.
“Ka shpresa të mëdha nga takimi, për shkak të faktit se në krahasim me atë të mëparshmit, kanë ndodhur shumë gjëra në terren, dhe këtu unë i referohem një njoftimi mjaft bombastik të presidentit amerikan Donald Trump se trupat amerikane të tërhiqen nga zona të Sirisë”, thekson politiologu për portalin rus.
Nëse ndodh ajo që Trump tha, sipas Sputnik, tre krerët që takohen në Ankara bëhen zotëruesit e vërtetë të situatës në terren.
Objektivat strategjike Federatës Ruse, regjimit në Damask, Ankarasë dhe Teheranit do të bëhen më të afërta për t’u realizuar, thekson portal i Kremlinit.
“Unë mendoj se kjo situatë krijon hapësirë për realizimin e objektivit strategjik të Turqisë, i cili është shpallur nga vetë Presidenti Erdogan. Pra krijimi i një ambjenti të sigurtë në veri të Sirisë në kufi me Turqinë, që të eleminohen forcat kurde, që Turqia i konsideron si një krah i zgjatur i Partisë terroriste të Punëtorëve të Kurdistanit”, shton më tej Nemanja Staroviç. /tesheshi.com/
