Ndryshe na pritej Sputnik nuk ka reaguar menjëherë ndaj Edi Ramës për deklaratën e tij tw bujshme në Kuvendin e Kosovës për një president të përbashkët Shqipëri-Kosovë.
Vetëm ditën e sotme, portal rus ka publikuar një artikull. Ndryshe nga herët e tjera jo si koment të së famshmes Branica Ristiç, por vetëm si një lajm të Tanjug-ut.
Sipas Sputink-ut, “Rama kërkon politikë të jashtme të përbashkëta dhe president unik Shqipëri-Kosovë për të provokuar një reagim nga ana e Beogradit”.
Portali i Kremlinit thekson se deklarata e Edi Ramës po bëhet që të ndikojë në axhendën e takimit që do të zhvillohet në Beograd me rastin e 180-vjetorit të vendosjes së marrëdhëneve ruso-serbe.
Me një fjalë, Sputnik shkruan se “Rama me “provokacjan” e tij synon të lëvizë apo ndikojë në zhvillimet e planifikuara në samitin ruso-serb në Beograd.
Ndaj jo rastësisht mediat serbe nuk kanë provokuar një “furtunë” pas fjalës së kryeministrit shqiptar në Prishtinë.
Sputnik tregohet si rrallë herë i ftohtë dhe citon Tanjug-un.
Ja ç’shkruan më tej Sputnik:
“Rama tha se Kosova dhe Shqipëria tani janë dy realitete zyrtare të ndara zyrtarisht, por se ato janë pjesë e një narrative të përbashkët historike, një ndjenjë kombëtare të unifikuar dhe një interes politik i pandashëm.
Ai njoftoi për intensifikimin e bashkëpunimit midis Prishtinës dhe Tiranës në të gjitha fushat, si dhe krijimin e një sistemi unik arsimor.
Ai tha gjithashtu se Kosova dhe Shqipëria do të kenë një sistem të vetëm doganor dhe një treg të përbashkët tregtar dhe ekonomik në sajë të një procesi të suksesshëm të integrimit rajonal.
Në fjalën e tij, Rama iu referua edhe marrëdhënieve mes Kosovës dhe Serbisë, duke thënë se ata duhet të jetojnë si dy popuj në marrëdhënie të mira fqinjësore dhe si një pjesë e pandashme e Bashkimit Evropian”, përfundon shkrimi i Sputnik-ut. /tesheshi.com/
