SHBA nuk e ka gëlltitur dot që Meta të quajë “spurdhjak” njeriun në krye të SPAK, të cilin ajo e përkrah, Arben Kraja.
Ndaj, ambasadorja Yuri Kim ka reaguar mnjëherë, duke i lëshuar një paralajmërim Metës se së shpejti mund të jetë dhe para drejtësisë.
“Kërcënimet dhe nxitjet për prokurorët dhe gjyqtarët -dhe përpjekjet e tjera për të prishur reformën në drejtësi nuk duhet të pranohen më si ‘normale’. Kjo sjellje nuk i përket një vendi që është në NATO, ka hapur negociatat për anëtarësim në BE dhe është ulur në Këshillin e Sigurimit të OKB-së. Për një kohë të gjatë, të pasurit dhe/ose të fuqishmit kanë besuar se janë të paprekshëm. Tani ata janë të shqetësuar, mosndëshkueshmërisë së tyre mund t’i vijë fundi. Ndërsa reforma në drejtësi zbatohet dhe jep gjithnjë e më shumë rezultate, do të bëhet më e qartë dhe më e qartë se askush – ASKUSH – nuk është mbi ligjin”, shkroi Kim
Kujtojmë se Meta reagoi me etikëtimin e rëndë, pasi SPAK nisi hetimin për lidhjet e tij me ish-Sigurimini në periudhën e komunizmit, duke kërkuar të sqarojë çëshjten e mbiemrit të Metës, nëse është Meta apo Metaj, një hile me një gërmë ku me gjasë është tentuar të fshihet diçka. /tesheshi.com/
