Një votim i njëzëshëm i Komitetit Olimpik Ndërkombëtar (IOC) për ta mbajtur në fuqi dënimin për Rusinë për përdorim masiv të dopingut do t’ua pamundësojë sportistëve të këtij vendi ta mbajnë flamurin rus në ceremoninë e mbylljes të Lojërave Olimpike Dimërore këtë të dielë.
Votimi pasoi një rekomandim nga bordi ekzekutiv i IOC-së për të vendosur në lidhje me fatin e Rusisë, bën me dije agjencia e lajmeve AFP.
Rezultimi pozitiv për doping i dy atletëve rusë në Pjeongçeng nuk e ka lënë IOC-në që ta heqë pezullimin për Rusinë në ceremoninë e mbylljes.
Me këtë votim, Rusia do ta ketë të pamundur të regjistrohet si pjesëmarrëse e këtyre Lojërave Olimpike Dimërore.
Rusia u ndalua në dhjetor që të marrë pjesë në këto Lojëra, por 168 sportistë të saj u lejuan të garojnë si asnjanës. Ata përfaqësuan “Sportistët olimpikë nga Rusia,” duke mos u lejuar ndërkohë të përdorin flamurin rus, ngjyrat kombëtare dhe himnin kombëtar. /tesheshi.com/
