Një lajm i madh ka ardhur për xhudon kosovare, ku Rusia është detyruar të pranoi përfaqësuesen e Kosovës pa kushte në turneun e madh Masters, që më 16 e 17 dhjetor mbahet në St. Petersburg.
Lajmi është konfirmuar nga nga trajneri, Driton Kuka i cili ka thënë se sporti kësaj radhe doli mbi politikën.
“Kosova merrë pjesë në Masters në Rusi. Sot në mëngjes me një telefonat mes mikut tonë Kryetarit të IJF-së, Marius Vizer dhe Krytarit të FXHK-së, Agron Kuka u konfirmua pjesëmarrja në The Best në St. Petersbrug.”, shkruhet në njoftimin e Kukës.
Në këtë evinement do të marrin pjesë Nora Gjakova dhe Distria Krasniqi. Kujtojmë se kampionia Majlinda Kelmendi nuk mund të merrë pjesë ende edhe pse u rikthye nga lëndimi.
Kujtojmë se në fillim Rusia u tha kosovarëve që të garojnë pa simbole, por kjo e fundit u refuzua nga Driton Kuka dhe sportistët si Distria dhe Nora./tesheshi.com/
