Maria Butina, shtetasja ruse e dënuar për spiunash në SHBA, dhe e cila së fundmi u la e lirë nga autoritetet amerikane, e përshkroi burgimin e saj 18-mujor si një “torturë”.
Ajo tha se burgu në të cilin ajo përfundoi në Uashington, ishte “plot insekte” dhe se nuk kishte “dyshekë dhe batanije”.
“Torturë ishte, torturë! Nuk është normale që një qenie e vetme njerëzore të lihet e vetme në qeli. 18 muaj robëri për shkak të një letre të zbrazët…”, tha Butina.
Ajo shtoi se ajo u ndihmua nga besimi i saj te Zoti, i cili, tha ajo, kishte qenë gjithmonë aty, me të.
Butina u arrestua në Uashington në 15 korrik 2018, përpara një takimi midis mes Vladimir Putin dhe Donald Trump në Helsinki.
Ajo u dënua me 18 muaj burg me akuzën se kishte aktivitete në SHBA si agjente e huaj.
Moska i kërkonte vazhdimisht Uashingtonit lirimin e saj, gjë që ndodhi në fund të tetorit. /tesheshi.com/
