Ukrainasit thanë se kapën një spiun të Putinit, madje me gradën – Nënkolonel. Ai është Koshel Alexander Olegovich, u kap nga trupat ukrainase ndërkohë që rusët bënë gjithçka që kishin në dorë për ta liruar atë.
Gjatë një ekzaminimi të plotë fizik të nënkolonelit Koshel Alexander Olegovich nga ushtarët që e arrestuan, u zbulua, sipas zyrtarëve ukrainas, se oficeri rus, nën uniformën e tij, kishte veshur, për arsye të panjohura, të brendshme dhe çorape të Forcave të Armatosura të Ukrainës.
Vihet re se në momentin e arrestimit, Nënkoloneli rus ishte në kontakt të vazhdueshëm me komandantin e Divizionit 58 të ushtrisë ruse, Mikhail Zusk, të cilit i jepte raporte të përditshme për rrjedhën e luftës.
Duhet theksuar se vetë Zusk vjen nga Ukraina dhe konkretisht nga qyteti Votli Kamin-Kashirsky në rajonin e Volynit, megjithatë fati i solli në atë mënyrë dhe sot ai po luftonte kundër të parëve të tij.
Koshel Alexander Olegovich – thuhet – besohet të jetë një nga agjentët sekret të Vladimir Putinit. Rusët bënë përpjekje të mëdha për ta liruar, por nuk ia dolën, me rezultat që ukrainasit shfrytëzuan arrestimin e oficerit të tyre të lartë, i cili, siç pretendojnë ata, fshehu surpriza të papritura me uniformën e tij ushtarake. /tesheshi.com/
