Skandali i keqpërdorimit të qelizave riprodhuese në një spital privat të Kosovës ka bërë bujë në media dhe ka shkaktuar shqetësime mbi sigurinë e pacientëve që trajtohen në sektorin privat shëndetësor.
Lajmi se një spital gjinekologjik po bën tregtim me qeliza riprodhuese me qëllim për të realizuar metodën IVF (In Vitro Fertilization) ka shqetësuar jo pak njerëz.
Ndonëse policia dhe prokuroria nuk kanë bërë me dije për emrin e spitalit në fjalë, ajo që dihet është se autoritetet kanë arrestuar pesë persona, të cilëve u është konfiskuar materiali gjenetik që e tregtonin.
Rasti është ende nën hetim, ndërsa ministri i Shëndetësisë Uran Ismaili ka njoftuar se reparti i fertilizimit IVF në këtë spital tashmë është mbyllur. /tesheshi.com/
