Raktivizimi i ndikimit rus në Ballkan po i shkundë liderët europianë, të goditur nga Brexit apo zhvillime të tjera matanë Atlantikut e në Lindje. Bashkarisht, ata kanë shprehur së fundi shqetësimin e tyre në lidhje me ndikimet në politikën e disa shteteve të Ballkanit Perendimor
“Do t’i bëj të qarta shqetësimet e mia për destabilizimin e mundshëm të rajonit dhe për rrezikun që përfaqëson ai ndaj sigurisë tonë të përbashkët. Pas dyshimeve të një komploti për grusht shteti në Malin e Zi, theksoj se duhet bërë më shumë për të luftuar destabilizimin e rajonit nga fushatat dezinformuese ruse dhe po kështu duhet të rritet dukshëm angazhimi i Perëndimit në Ballkan”, tha kryeministrja britanike, Theresa May.
Ndërsa kreu i Këshillit të BE-së, Donald Tusk përmendi “tensione dhe përçarje” në rajon, të cilat sipas tij vijnë përmes një influence të pashëndetshme, të dalë jashtë kontrollit.
Nga ana tjetër, Federica Mogherini, ka paralajmëruar mbi rrezikun e kthimit të rajonit në “një fushë shahu të lojërave të fuqive të mëdha”. Të gjitha këto shqetësime u trajtuan të enjten në mbrëmje, ku u fol për situatën e katër vendeve kandidate: Shqipërisë, Maqedonisë, Serbisë dhe Malitë të Zi. /tesheshi.com/
