Atletiko Madrid që ka humbur dy finale Champions me Realin, u hakmorr keqaz në superkupën e Europës duke e dërmuar rivalin historik me një fitore 4-2, në një derbi spektakolar në Talin të Estonisë.
Kjo ishte ndeshja e parë e “Los Blancos” pa Ronaldon e ikur te Juve, duke e nisur pra sezonin me një disavantazh edhe moral.
Po ashtu, ishte dhe ndeshja e parë për trajnerin Lopetegui, që kalimi te pankina e mbretërorëve pak ditë para Botërorit, i kushtoi largimin nga stoli i Spanjës në një mënyrë të paprecedent.
Në fakt ndeshja pati epërsinë e Realit deri në kthesën e madhe të Atletikos, me lider Diego Costa-n në fushë. Ishte ky që shënoi të parin gol, për t’u pasuar nga dy të Realit me Benzema dhe Ramos, e kjo deri në minutën e ’79, kur sërish shënon duke barazuar e duke e çuar ndeshjen ne shtesë. Dhe në ‘98-ën minutë, do ishte Saul që me një gjysmëkthesë realizoi një gol spektakolar, duke u pasuar pak minuta më vonë me një tjetër gol të Koke.
Një 4-2 për Atletikon, që e nis këtë sezon si një kampion mbi kampionët. /tesheshi.com/
https://youtu.be/-9q2qIKiLH4
