Një i ri 25-vjeçar i quajtur Erjon Selimaj, prej dy orësh po jep një spektakël të dhimbshëm në tentativë për t’u hedhur nga një lartësi e frikshme, duke qëndruar në majë të një vinçi në kantierin e stadiumit “Qemal Stafa” në Tiranë.
Nga informacionet paraprake mësohet se ai vuan nga probleme personaliteti, të shfaqura dhe nga një prirje për t’u vetëvrarë, siç kanë sqaruar shokë të tij. Ai është rritur jetim, pa nënë, e me një baba problematik. Pra, ka patur një fëmijëri të vështirë që ka lënë pasoja.
Vetë statusi i tij social ishte ai një të papuni dhe të mbetur në mes të katër rrugëve pa asnjë perspektivë. Ndërkohë, disa herë kishte përfunduar në burg me akuzën e vjedhjes.
Siç thanë shokët e tij, e kishte fiksim që të largohej nga Shqipëria, por pa e përcaktuar se ku.
Me atë po negociojnë të njohurit nga bashkëmoshatarët e po ashtu policia. Në fillim bëri një tentativë për të zbritur, por nisi të ngjitej sërish. Nuk dihet ende nëse ka ndonjë kërkesë konkrete si kush për të mos u vetëhedhur. /tesheshi.com/
