Një operacion ka bërë të mundur nxjerrjen e avionit të kompanisë Pegasus në Turqi, i cili ofroi një pamje të tmerrshme, por dhe të mahnitshme njëkohësisht, kur pas daljes nga pista përfundoi në një rrëpirë poshtë së cilës ishte deti…dhe vdekja natyrisht.
Ishte një masë balte që ka bërë të mundur që turiri i avionit të ngecte në të, ku 168 jetë njerëzore të ndodhura në bord panë vdekjen me sy dhe jetuan me ankthin e saj për minuta të tëra derisa u evakuuan plotësisht, pa asnjë lëndim. Tashmë, pas nxjerrjes së avionit, ata i janë gëzuar dhe marrjes së bagazheve të mbetura aty.
Ngjarja e rrallë me Boeing-un 737-800 ndodhi në aeroportin e Trabzonit, pasi avioni vinte nga Ankaraja.
Mediat turke citojnë pilotët t’u kenë thënë hetuesve aeroplani përjetoi një rritje të papritur të shpejtësisë që e detyroi atë të dilte nga pista, për të përfunduar pak metra larg detit. /tesheshi.com/
