Gjykata penale në Shkup konfirmoi të enjten se ka bllokuar përkohësisht pasuritë e VMRO-DPMNE, ndër të cilat edhe selinë e partisë më të madhe opozitare në Maqedoni.
Kjo masë është marrë me kërkesë të Zyrës së Prokurorit Special, për të parandaluar shitje ose marrjen me qira të pronës deri sa të përfundojë rasti “Monedha” që ka të bëjë me financim ilegal të partisë.
Sipas Zyrës së Prokurorit Special, “ndalohet tjetërsimi dhe dhënia me qira e një totali prej 69 pronash, përfshirë edhe selinë e partisë, duke pasur parasysh se ekziston një mundësi që prona të tjetërsohet në procesin e përfunduar.” /tesheshi.com/
