Ambasadori amerikan, Greg Delawie ka mbajtur sot një konferencë në të cilën ka dhënë paralajmërimet e fundit për Gjykatën Speciale.
Ai ka thënë se Specialja është shumë e rëndëisishme për Kosovën dhe se ajo nuk do të gjykojë një popull, por disa individë.
Delawie më tej nismën për zhbërjen e Speciales, e ka quajtur shembull të tmerrshëm kur interesat personale shkelin të mirën e përgjithshme
“Ky përkushtim është nën kërcënim serioz nga një nismë për ta zhbërë apo ndryshuar Ligjin që autorizon Gjykatën Speciale. Kjo përpjekje paraqet shembull të tmerrshëm të rastit kur interesat personale mbizotërojnë mbi të mirën e përgjithshme dhe mbi interesat e Kosovës si shtet. Më lejoni të jem i qartë, deputetët që e mbështesin këtë nismë dhe politikanët që i prijnë asaj, përkundër mohimeve të tyre, do të t’iu nënshtrohen pasojave specifike dhe të ashpra. Ata e dinë këtë sepse ua kemi thënë”, ka thënë Delawie.
Ai tashmë gjendet në ambientet e Presidencës ku pritet të takohet me krerët e vendit. /tesheshi.com/
