Ndërsa Gjykata Specila tashmë mund të ngrit aktakuzat e para, pasi ka hyrë në fuqi Rregullorja e procedurës dhe e provave, pa të cilin dokument nuk konsiderohej funksionale plotësisht, Gjermania pret që institucionet kosovare të bashkëpunojnë me këtë gjykatë.
Ambasadorja e Gjermanisë në Kosovë, Angelika Viets, në një prononcim të saj dhënë gazetës “Zëri” ka thënë se vendimet që dalin nga proceset gjyqësore duhet të pranohen nga një shtet ligjor.
Sipas saj, nisja e punës së kësaj gjykate nuk ka nevojë ta gjejë Kosovën me institucione të formuara, pasi do të akuzohen individë dhe jo bartës të funksioneve apo të pozitave shtetërore.
Dhomat e Specializuara janë funksionalizuar plotësisht të mërkurën më 5 korrik dhe nga kjo ditë, ato janë në gjendje të marrin parashtrime dhe të nisin procedurat gjyqësore, ndërsa Zyra e Prokurorit të Specializuar mund të paraqesë akuzat, në mënyrë që të shqyrtohen nga gjykatësit.
Edhe pse në media vazhdimisht kanë qarkulluar emra se kush mund të jenë të akuzuarit nga Specialja, mirëpo deri me tash asnjë emër zyrtarisht nuk është publikuar.
Gjykata Speciale në seli në Hagë të Holandës do të merret me krimet e kryerja nga viti 1998 e deri në fund të vitit 2000./tesheshi.com/
