Më në fund Prokuroria Publike Speciale në krye me Katica Janevën ka dorëzuar raportin gjashtëmujor për punën e tyre tek Kuvendi i Maqedonisë dhe Këshilli i Prokurorëve Publik.
Sipas Ligjit më te cilën është formuar Prokuroria Publike më 15 shtator 2015, nga ana e partive më të mëdha politike dhe nën ndërmjetësimin e komunitetit ndërkombëtar, PSP është e obliguar të jep raport për punën e saj para Kuvendit të Maqedonisë dhe para Këshillit të Prokurorëve Publik.
Në saj të prezantimit të këtij raporti, Janeva ka sqaruar se më 30 dhjetor të vitit 2015 partia politike opozitare në Maqedoni LSDM i’a ka dorëzuar Prokurorisë speciale një hard disk dhe gjashtë kuti me transkript në formë të shkuar ku ndodhen mbi 500 mijë përgjime, të cilat pas pranimit janë vendosur në vende që plotësojnë standardet për rruajtjen e llojit të tillë të materialeve. Në këto materiale sipas Janevës ndodhen përgjimet nga figura më të ndryshme politike në vend.
“Më 11.01.2016 solla Vendimin për formimin e Komisionit në përbërje prej prokurorëve publik të kësaj Prokurorie Publike për regjistrim të këtyre materialeve. Me vendimin e përcaktova mënyrën për evidentimin e materialeve, si dhe afatin për mbarimin e regjistrimit i cili ishte deri më 29.01.2016. Por, duke pasur parasysh numrin e madh të materialeve të dorëzuara dhe obligimet ditore të prokurorëve publik, pasi edhe u informova për të njëjtën nga ana e komisionit regjistrues, solla vendimin me të cilën afatin e vazhdova deri më 11.03.2016. Pas mbarimit të regjistrimit nga ana e Komisionit mësohet se në hard diskun janë 546.948 materiale prej të cilëve 540.646 janë audio-materiale dhe 6.302 materiale me format të ndryshëm (word, exel, PDF dhe të tjera)”, thuhet në dokumentin e Prokurorisë Speciale dërguar mediave. M.Krasniqi – /tesheshi.com/
