Liverpooli po luan sezonin më të keq në epokën e Jurgen Klopp dhe trajneri gjerman po përgatit ndryshime të mëdha në skuadër për sezonin e ardhshëm.
British Express raporton se 13 lojtarë mund të largohen nga Anfield në afatin kalimtar të ardhshëm.
Roberto Firmino, Adrian, Naby Keita dhe Alex Oxlade-Chamberlain kanë kontrata deri në fund të sezonit dhe nuk do t’i zgjasin ato.
Liverpooli planifikon të investojë paratë që do të kursejë në pagat e tyre në lojtarë të rinj.
Po largohet edhe Arthur Melo, mesfushori brazilian që mbërriti në Liverpool si huazim nga Juventusi. Liverpooli ka një opsion për të blerë kontratën e tij, por mezi pret ta heqë qafe atë.
Caoimhen Kelleher, Sepp van den Berg, Rhys Williams, Nat Phillips janë në prapavijë dhe në shitje, po ashtu dhe porteri Joel Matip, i cili është me klubin që nga viti 2016, është afër largimit.
Tre të tjerët që Klopp mund të heqë dorë për të fituar para për përforcime janë mesfushori me përvojë James Milner, porteri Joe Gomez dhe mbrojtësi i krahut Kostas Tsimikas.
Liverpoolit i duhet një mrekulli deri në fund të sezonit për të rrëmbyer vendin e katërt dhe një vend në Champions League. Me nëntë ndeshje para, ata janë 12 pikë prapa Newcastle-it të vendit të tretë dhe Manchester Unitedit të vendit të katërt. /tesheshi.com/
