Ilir Meta ka bërë me dije se do shkruajë një libër. Duke folur në Top Story, kreu i LSI-së dhe njëherësh i Kuvendit shqiptar, ka thënë se libri do ketë kujtimet me të ndjerin Dritëro Agolli, që siç tha Meta e ka patur afër në ndenjëset e parlamentit kur ishin kolegë deputetë në grupin e PS-së këtu e 20 vjet të shkuara. “I kam premtuar Sadijes se do shkruaj të gjitha kujtimet për të”, ka deklaruar Meta.
Ilir Meta nuk patur kurrë raporte me të shkruarën gjatë karrierës së tij politike. Për ndonjë libër as që bëhet fjalë, por dhe shkrime në gazetë në formë opinioni pothujase nuk ka fare.
Madje kur Rama nxorri “Kurban”-in, që përkonte me raportet e tensionuara që kishte me të, e shpotiste keqaz gjatë promovimeve duke thënë se “Iliri nuk e ka lexuar, pasi ai nuk lexon libra”; pra duke e goditur në mangësitë e theksuara intelektuale.
Dhe nëse vërtet Meta do bëjë një libër, ky do jetë i pari rast për të vënë re nëse ai ka ndonjë talent a intelekt për artin e fjalës së shkruar dhe që jo domosdoshmërisht lidhet me ligjërimin e rëndomtë politik, aty ku Meta ia thotë deri diku. /tesheshi.com/
