Nën moton “Procesi i mëvetësisë na zhvesh nga identiteti ynë”, mijëra spanjollë kanë mbushur të dielën sheshin “Sant Jaume” në Barcelonë për të bërë thirrje për unitet.
Protesta u organizua nga Shoqëria Civile Katalanase (Sociedat Civil Katalana), e cila është kundër ndarjes së Katalonjës nga Spanja.
Policia çmoi se numri i pjesëmarrësve ishte 3.500, ndërsa ata marshuan me sloganet, “Rroftë Spanja, rroftë Katalonja” dhe “Jo pavarësisë”.
Katalonja e kërkon prej kohësh pavarësinë, por kërkesa është refuzuar ngahera nga qeveria qendrore. Parlamenti i Katalonjës miratoi një rezolutë 9 nëntorin e vitit të shkuar, ku flitej për nisjen e procesit të shkëputjes së Katalonjës nga Spanja. /tesheshi.com/
