Policia spanjolle njoftoi se ka qëlluar për vdekje personin e dyshuar si autor i sulmit në Barcelonë të enjten.
Ngjarja ndodhi në një qytet pranë Barcelonës, ku personi i identifikuar si Junes Abujakub, një maroken 22-vjeçar, u qëllua nga policia në Subirats, në perëndim të Barcelonës.
Sipas policisë terroristi mbante të veshur një shpërthyes dhe thirri “Allahu Akbar”, para se policia të qëllonte në drejtim të tij duke e vrarë sot pasdite.
Abujakub besohet se ishte pas timonit të furgonit që goditi turmën e kalimtarëve gjatë sulmit të së enjtes.
Zyrtarët thonë se numri i viktimave ka arritur në të paktën 15, ndërkohë që më shumë se 100 janë plagosur.
Autoritetet kanë arrestuar katër nga të dyshuarit, ndërsa pjesa tjetër u vra nga policia ose vdiq nga një shpërthim në një shtëpi ditën para sulmit.
Shumë nga të dyshuarit kishin lidhje me qytetin verilindor të Ripollit, një nga vendet ku policia ka përqendruar hetimet./tesheshi.com/
