Reagime të forta ka shkaktuar ankesa e disa punëtorëve Call Center në Spanjë, se janë detyruar të punojnë pranë koleges së tyre të vdekur.
Sipas mediave spanjolle, gruaja 57-vjeçare, e cila kishte punuar në kompani për më shumë se 15 vjet, është ndjerë keq gjatë turnit të saj në qendrën e thirrjeve në Madrid. Fillimisht i dhanë ndihmën e parë dhe thirrën një ambulancë. Por gruaja u rrëzua dhe iu nënshtrua arrestit kardiak.
Punëtorët i thanë sindikatës CGT se kur i pyetën se çfarë duhet të bënin, atyre iu tha të “vazhdonin të punonin” sepse po merrnin telefonata nga klientët.
Sindikatat kanë akuzuar Konecta-n, e cila ka 200 qendra telefonike në 24 vende, se i trajton punëtorët si “robotë”.
“Për të paktën 45 minuta pas vdekjes së gruas, kompania nuk ndërmori asnjë veprim për të lejuar stafin të largohej ose të devijonte telefonatat diku tjetër”, tha për Telegrafin David Sanchez nga sindikata USO.
Siç u ankua ai, shërbimin e thirrjeve i kanë vënë mbi vlera njerëzore, ndërkohë që nuk ka pasur asnjë protokoll për një skenar të tillë. “Kompania vazhdoi rutinën e saj në një gjendje të panatyrshme, ndërsa shumë punëtorë ishin në gjendje shoku”, shtoi ai.
Raportohet se disa punëtorë kanë punuar pranë trupit të koleges së tyre të vdekur për gati tre.
Një punëtore thuhet se e pyeti nëse mund të shkonte në shtëpi, por iu tha që të vazhdonte t’u përgjigjej telefonatave pasi ishte një “shërbim thelbësor”. /tesheshi.com/
