Ministri spanjoll i shpenzimeve Alberto Garzon ka zbuluar një plan për të ndaluar bastet dhe lojërat e fatit, me qeverinë që synon të përfundojë rritjen e varësisë prej tyre në vend.
Në janar, erdhi në pushtet një koalicion i majtë i përbërë nga Partia Socialiste e Punëtorëve Spanjolle (PSOE) dhe Unidas Podemos, të cilit i përket Garzon. Në fushatën zgjedhore, Unidas Podemos premtoi të nisë një fushatë që synon mbrojtjen e të rinjve dhe të varurve nga lojërat e fatit, dhe tani ai dëshiron ta përmbushë premtimin.
Industria e lojërave të fatit ka lulëzuar në Spanjë në dekadën e fundit. Bookmakers në internet, bastet sportive dhe kazinotë kanë zënë një vend mbizotërues në treg.
Qeveria synon të zvogëlojë reklamimin e spoteve përkatëse në televizion me 80 përqind dhe të ndalojë kompanitë që të përdorin të individë të famshëm për të komercializuar bastet. Në mesin e tyre është dhe Luka Modriç.
“Rregullorja duhet të jetë e ngjashme me atë të industrisë së duhanit.
Ne nuk po e rregullojmë industrinë e tekstilit, por një sektor që mund të ketë pasoja të shëndetit publik,” tha Garzon.
Ndër masat e propozuara është një ndalim në promovimin e kuponave të lojërave të fatit që, sipas Garzon, tërheqin grupe të cenueshme të ndjeshme ndaj varësisë nga kumari.
Shifrat e qeverisë tregojnë se bastet në internet janë trefishuar midis 2014 dhe 2018, duke arritur në 17.8 miliardë euro.
Lobi i basteve dhe lojërave të fatit vlerëson se ata që janë të angazhuar me to në Spanjë, humbasin gjithsej 10 miliardë euro në vit përmes basteve sportive, kazinove dhe llotarisë kombëtare, që është rreth 0.8 përqind e PBB-së të vendit. /tesheshi.com/
