Spanja do të krijojë një regjistër të njerëzve që refuzojnë të vaksinohen kundër koronavirusit dhe ta ndajë atë me vendet e tjera të Bashkimit Evropian.
Kjo u njoftua nga Ministri i Shëndetësisë Salvador Illa, por ai gjithashtu sqaroi se lista nuk do të bëhet publike, shkruan BBC.
Ky vend është gjithashtu një nga vendet më të goditur nga pandemia e koronavirusit.
Aktualisht, banorët e Spanjës janë vaksinuar me vaksinën Pfizer, pa qenë kjo e detyrueshme.
“Ne do të krijojmë një regjistër që do ta ndajmë me partnerët tanë evropianë, me ata qytetarë që u është ofruar vaksina dhe që e kanë refuzuar atë,” tha Illa.
Ai njoftoi, megjithatë, se dokumenti nuk do të jetë publik dhe se për të dhënat personale do të ketë kujdes.
“Njerëzit të cilëve u është ofruar vaksina dhe që e kanë refuzuar atë për ndonjë arsye, do të shënohen në regjistër,” tha ministri. /tesheshi.com/
