Qeveria spanjolle ka ngritur një padi kundër pasardhësve të ish-diktatorit Francisco Franco, të cilëve u kërkojnë që të dorëzojnë një pallat me trajta kështjelle, për të cilën pretendohet se është përvetësuar në mënyrë abuzive.
Ministria e Drejtësisë ka deklaruar se autoritetet gjetën dokumente që tregojnë se blerja e pallatit Pazo de Meiras në veriperëndim të Spanjës, në vitin 1938 ishte një “mashtrim”.
Sipas këtyre dokumenteve, Franco detyroi punëtorët lokalë që të ndihmonin në financimin e blerjes së një pallati nga një pronar privat gjatë Luftës Civile Spanjolle.
Pallati në provincën e Galicia, është ndërtuar ndërmjet viteve 1893 dhe 1907 dhe ishte në pronësi nga pasardhësit e shkrimtarit Emilia Pardo Bazan.
Pazo de Meiras aktualisht u takon nipërve dhe mbesave të Francos.
Opinioni publik në Spanjë mbetet i ndarë rreth Luftës Civile e cila zgjati nga viti 1936 deri në vitin 1939, që më pas rezultoi me diktaturën e djathtë të gjeneralit Franko. Vdekja e këtij të fundit në vitin 1975, i dha fund dhe dikaturës së tij.
Më shumë se gjysmë milion njerëz u vranë gjatë Luftës Civile, dhe është llogaritur se të paktën 150,000 njerëz u vrarë nga regjimi i Francos. Ndërsa 450,000 spanjollë u detyruan të largohen nga vendi, vlerësojnë historianët. /tesheshi.com/
