Federata Spanjolle e Futbollit (RFEF) ka bërë të ditur se dëshiron që ndeshjet e Kupës së Botës në vitin 2030 të luhen në stadiumet e klubeve madrilene Real, Atlético dhe Barcelona.
Spanja dhe Portugalia po planifikojnë një ofertë të përbashkët për të pritur Kupën e Botës në vitin 2030.
Portugalia do të presë në tre stadiume dhe Spanja në 11.
Spanja po përgatit 15 stadiume për organizimin e WC, por do të zgjedhë 11 deri në kandidimin zyrtar.
Përveç stadiumeve të tre klubeve më të mëdha në Spanjë, Vigo, La Coruna, Gijon, Bilbao, San Sebastian, Zaragoza, Valencia, Murcia, Sevilla, Malaga, Las Palmas, si dhe stadiumi Espanyol në Barcelonë, janë kandidatët për organizimin e ndeshjeve në Kupën e Botës.
Mediat spanjolle kujtojnë se FIFA ende nuk ka shpallur kushtet për kandidaturën për organizimin e Kampionatit Botëror të 2030.
Katari do të jetë organizator i Kupës së këtij viti, i cili do të mbahet në muajt nëntor dhe dhjetor, ndërsa organizatori i Botërorit 2026 me 48 ekipe kombëtare do të jetë Shtetet e Bashkuara, Kanadaja dhe Meksika.
Kujtojmë se një Botëror futbolli është organizuar në Spanjë në ‘82-shin, ndër më të bukurit në historinë e botërorëve, ku kampion doli Italia me protagonist Dino Zoff në portë dhe Paolo Rossi në sulm. /tesheshi.com/
