SPAK ka marrë të pandehur një tjetër kryebashkiak: Edison Memollën e Rrogozhinës.
Ai akuzohet për “korrupsion në zgjedhje”, më saktë se paguante faturat e energjisë për një pjesë të banorëve, kjo në këmbim të votës.
Më herët, Memolla është paraqitur në SPAK nën dyshimin e punësimeve fiktive.
Ai u shpall fitues në zgjedhjet vendore të 14 majit, por KQZ vendosi ripërsëritjen e tyre. Më 14 maj, Edison Memolla i PS-së siguroi 5129 vota, kurse Shkëlqim Hoxha i “BF”, 5108 vota. Ndërsa në zgjedhjet e ripërsëritura, PS-ja thelloi avantazhin me një diferencë prej 1752 votash. /tesheshi.com/
