SPAK ka dhënë verdiktin e parë, por jo për ndonjë “peshk të madh”, a për ndonjë çështje me peshë e sensitet të lartë pubik.
Fjala është për një grup, u cili është quajtur “i strukturuar kriminal”, e që trafikonte njerëz drejt Perëndimit. Bëhet fjalë për të arrestuarit e së ashtuquajturës “Dosje 272”, ku 10 anëtarë të saj janë dënuar nga SPAK me 57 vite burg.
“Nga hetimet e kryera ka rezultuar se të pandehurit Ilir Myrtaj, Alfred Myrtaj, Marjo Myrtaj, Albert Xhelili, Gentjan Stojku, Florjan Hysenaj, Keldi Beshi, Arben Kadiu, Shkëlqim Mema dhe Ismail Alushani, kundrejt përfitimit monetar dhe material, si dhe nëpërmjet linjave ajrore dhe linjave të tjera të udhëtimit, kanë trafikuar shtetas të ndryshëm me dokumente të falsifikuara për në shtete të tjera, kryesisht në SHBA, Kanada dhe Mbretërinë e Bashkuar”, thuhet nga SPAK. /tesheshi.com/
