Pas tryezës me partitë aleate, nënkryetari i Partisë Demokratike, Edmond Spaho bëri me dije se koalicioni i djathtë është pro votimit dhe numërimit elektronik
“Në kuadër të përpjekjeve të përbashkëta që po bëjmë për hartimin e një platforme për zgjedhje të lira dhe të ndershme, tryeza e koalicionit të partive të djathta sot diskutoi rreth sistemit të votimit dhe numërimit dhe arritëm në konkluzionin e përbashkët për të mbështetur praktikën e votimit dhe numërimit elektronik, votimin biometrik dhe numërimin elektronik”, – tha Spaho.
Ai u shpreh më tej se në tryezat e ardhshme të koalicionit do të vazhdohet me çështje të tjera të cilat përfshijnë sistemin zgjedhor, financimin e partive politike, marrëdhëniet me mediat, depolitizimin e mëtejshëm të sistemit zgjedhor dhe çështje të tjera të cilat janë me interes për të gjithë partitë pjesëmarrëse në këtë koalicion. /tesheshi.com/
