Raketa e kompanisë amerikane të hapësirës SpaceX u ngrit të hënën mbrëma drejt Stacionit Ndërkombëtar Hapësinor (ISS), kur u krijuan kushte të favorshme moti për nisjen.
Në mesin e pasagjerëve janë astronautët e parë nga Arabia Saudite dhe një biznesmen nga shteti amerikan i Tenesit, raporton AP.
Ata udhëhiqen nga një astronaut në pension i NASA-s, tani një punonjës i SpaceX, i cili organizoi udhëtimin dhjetë-ditor.
Ky është fluturimi i dytë çarter i organizuar nga Axiom Space nga Hjustoni.
Kompania nuk ka specifikuar se sa kushtojnë biletat për në ISS, por më parë është raportuar se çmimi i një ndenjëseje në raketë është 55 milionë dollarë.
Raketa e tipit Falcon u lëshua nga Qendra Hapësinore Kennedy dhe nga ai vend astronauti i parë nga Arabia Saudite, Princi Sultan bin Salman Al Saud, shkoi në hapësirë në 1985.
Këtë herë, vendi arab përfaqësohet nga Rayyanah Barnawi, një shkencëtare që hulumton qelizat staminale.
Ajo u bë gruaja e parë nga Arabia Saudite në hapësirë, e shoqëruar nga piloti luftarak i Forcave Ajrore Saudite Ali al-Qarni.
Pjesa tjetër e ekuipazhit përbëhet nga entuziast i makinave sportive John Shoffner dhe Peggy Whitson, e cila mban rekordin amerikan prej 665 ditësh të kaluara në hapësirë. /tesheshi.com/
