Ministria e Arsimit e Turqisë, si pjesë e programit të saj të kërkimit dhe zhvillimit (Ar-Ge), ka prodhuar respiratorët e parë të nevojshëm për të trajtuar njerëz të sëmurë rëndë në mes të pandemisë Covid-19.
Si pjesë e programit, laboratorët dhe sallat e shkollave profesionale dhe teknike në të gjithë Turqinë kanë inicuar prodhimin e dezinfektuesve dhe produkteve higjienike, maska mbrojtëse, mbulesa, visore dhe pajisje të tjera mbrojtëse të nevojshme për të luftuar përhapjen e koronavirusit.
Por përpjekja më e madhe është investuar në prodhimin e maskave mbrojtëse dhe respiratorëve, raporton Anadolia.
Respiratori i parë nën programin Ar-Ge u prodhua në atelierët e shkollës së mesme profesionale dhe teknike “Sehid Serkan Talan” në Hatay dhe Shkollën e Mesme Teknike Anadolu.
Respiratori prodhohet në përputhje me rekomandimet dhe standardizimin e Drejtorisë për Cilësinë e Pajisjeve Mjekësore, dhe prodhimi inë seris pritet pas miratimit nga shërbimet kompetente.
Zëvendësministri i Arsimit i Turqisë, Mahmut Ozer tha se të gjitha burimet teknologjike të institucioneve arsimore janë vënë në dispozicion në mes të luftimit të pandemisë.
“Ne kemi filluar prodhimin në masë të maskave kirurgjikale, veshjeve mbrojtëse, dezinfektues dhe produkte higjiene. Në të njëjtën kohë, ne jemi duke punuar në zhvillimin dhe prodhimin dhe pajisjet teknike. Ne kemi dhënë mbështetje të plotë për qytetet e zgjedhura pilot dhe profesorët tanë të vlefshëm janë duke punuar në të,” tha ai.
Duke vënë në dukje se suksesi i parë i madh u arrit në Stamboll me makinën e prodhimit të shpejtë të maskave, Ozer tha se projekti i zhvillimit dhe prodhimit të frymëmarrësve gjithashtu u implementua me sukses në Stamboll dhe Hatay.
“Kjo detyrë është përfunduar me sukses me koordinimin e Ministrisë. Ne kemi krijuar frymëmarrësin e parë dhe jemi të lumtur që mund t’i plotësojmë nevojat e kombit me kapacitetet tona”, shtoi ai. /tesheshi.com/
