Presidentja e Kroacisë, Kolinda Grabar-Kitaroviç ndodhet sot në një vizitë pune një ditore në Turqi, ku do të takohet me presidentin Rexhep Tajip Erdogan.
Siç bëhet e ditur, temë kryesore e takimit të dy udhëheqësve do të jenë situata në Evropën Juglindore, veçanërisht në Bosnje- Herzegovinë, marrëdhëniet midis Bashkimit Evropian dhe Turqisë dhe roli i Ankarasë në menaxhimin e migracionit.
Kur është Bosnja dhe Hercegovina në pyetje, presidentja kroate synon të flasë me homologun e saj turk për rolin e dy vendeve në inkurajimin e kroatëve dhe boshnjakëve në Bosnje dhe Herzegovinë për dialog dhe marrëveshje, veçanërisht mbi legjislacionin zgjedhor përpara zgjedhjeve të përgjithshme të tetorit në atë vend, shkruan Al Jazeera.
Grabar-Kitaroviç dhe Erdogan gjithashtu do të diskutojnë mbajtjen e mundshme të takimit trepalësh Kroaci – Bosnje-Hercegovinë -Turqi në nivelin më të lartë në tremujorin e parë të këtij viti.
Temë diskutimi do të jenë edhe situata në Lindjen e Mesme dhe konflikti në Siri. /tesheshi.com/
