Pikërisht në përvjetorin e vrasjes së Xhemail Rexhepit i njohur si komandant “Shqiponja”, sot gjykatësja shqiptare në Gjykatën Themelore, Gjylsime Shabani ka nënshkruar lirimin nga paraburgimi të vrasësist të këtij komandanti legjendar nga Karadaku i Kumanovës, Bajram Limanin.
Limani mbrëmë vonë është liruar nga paraburgimi dhe është përcjellur për në shtëpinë e tij në fshatin Llojan, ku tash e tutje do të jetë në burg shtëpiak.
Kujtojmë se si sot para 1 viti pas një zënke banale nga i autorizuari i Ali Ahmetit për të ruajtur “tronin” e BDI-së në Kumanovë, Bajram Limani kishte vrarë komandantin i cili nuk është pajtuar me përzgjedhjen e tij në krye të degës së Kumanovës.
Ndërkaq akademia solemne përkujtimore për komandant “Shqiponjën” fillon sot në ora 18:00 tek Pallati i ish-komitetit në Kumanovë.
/tesheshi.com/
