Ka qenë një frustrim kush është shkolluar në kohën e diktaturës në një ditë si kjo e sotmja, ku niste kremtimi gjithë tam-tame i Revolucionit Bolshevik të Tetorit, kur Vladimir Iliç Lenini dhe forcat e tij komuniste bombarduan Pallatin e Dimrit të Carit në Shën Petërsburg, pushkatuan gjithë familjen e monarkut dhe hynë në Kremlin.
Po ç’lidhje ka 7 nëntori me Revolucionin e Tetorit?
Asnjë mësuese apo pak e shpjegonte këtë dhe kur ndonjë nxënës kurioz kolerik e pyeste vazhdimisht merrte përgjigjen: Pusho! Leji llafet!
Është një shpjegim i thjeshtë që nëse do të bëhej nuk do të kishte shumë pikëpyetje edhe për data e evenimente të tjera të rëndësishme botërore.
Sipas kalendarit Julian apo lindor që funksionon në Rusi, data 25 tetor i bie më 7 nëntor me kalendarin tonë Gregorian.
Kalendarët kanë marrë emrat e drejtuesve politikë që e vendosën.
Kalendarin Julian e vendosi Julius Çezari, ndërsa Gregorianin e vendosi kreu i Vatikanit, Papa Gregori më 1585-ën.
Shkurt kjo matje kohe është me urdhër politik dhe jo sipas ligjeve shkencore. Por këtë do të flasim një herë tjetër
/tesheshi.com/
