Zëvendësministri i Jashtëm grek, Juklid Tsakalotos, tha dje se Athina dhe kreditorët e saj janë shumë afër konkludimit të një marrëveshje për kreditimin e Greqisë. Kjo deklaratë erdhi një ditë përpara se të mbahet takimit vendimtar në kryeqytetin belg, Bruksel.
Ndërsa Kryetari i eurogrupit, Jurin Damlom, ka mohuar faktin që palët të jenë pranë një marrëveshjeje.
Në një deklaratë për shtyp Tsakalotos shtoi –i cili është edhe një ndër negociatorët më të lartë grekë me huadhënësit- se pas disa javësh negociatash të ashpra “ne jemi të pllakosur nga një marrëveshje. Gjithmonë nëse pala tjetër ka vullnetin e duhur për ta arritur këtë” duke aluduar për përfaqësuesit kreditorë siç janë Bashkimi Evropian, Banka Qendrore Evropiane dhe Fondi Monetar Ndërkombëtar.
Megjithatë, zyrtari grek pranoi se vendi i tij dhe huadhënësit janë akoma larg në qëndrimet e tyre në lidhje me çështje të debatueshme siç janë punësimi dhe pensionet, ashtu siç ka nga ana tjetër çështje të cilat do të vazhdojnë të jenë subjekt për marrëveshje deri në minutën e fundit të negociatave, përfundoi ai.
Greqia shpreson se do të arrihet një rezultat pozitiv në takimin e ministrave të financave të eurozonës, që do të mbahet në ditën e sotme dhe e cila do të lejonte lëvrimin e këstit të fundit të fondeve të shpëtimit, e cila vlerësohet të jetë 7.2 miliard euro.
Deklarata kontradiktore
Në këtë kontekst, zyrtarët evropianë thanë se egziston mundësia e arritjes së një marrëveshjeje me autoritetet greke për ditën e sotme. Kreu i eurogrupit tha në një deklaratë për gazetën italiane: “është e vërtetë që kemi bërë progres, por kjo s’do të thotë se jemi afër ndonjë marrëveshje.”
Aktualisht, Greqia po përballet me një krizë asfiksuese likuiditeti çka e detyroi atë javët e fundit të nxjerrë një ligj nëpërmjet të cilit i detyron institucionet publike që t`i transferojnë burimet e tyre financiare tek qeveria qendrore në mënyrë që të paguhen këset borxhit ndërkombëtar. Në lidhje me këtë analistët paralajmërojnë se në qoftë se Greqia nuk arrin të marrë fonde shtesë nga kreditorët e saj, atëherë ajo do përballet me rrezikun e falimentimit dhe për rrjedhojë dalja nga eurozona do jetë çështje javësh.
Në lidhje me këtë, Frans Timermans, zëvendëspresidenti i Komisionit Evropian tha për një gazete gjermane se nuk ekziston një plan alternativ në rast se Greqia nuk e shlyen borxhin e saj duke shtuar se: “në qoftë se ti punon me një plan alternativ, në thelb ke hequr dorë nga plani origjinal.”
