Shprehja shqiptare se “të dielën u martova dhe të hënën në punë shkova”, do i shkonte fort mirë dhe Hitlerit, i cili vërtet që u martua me Eva Braunin me datë 29 prill të 45-ës, por pas një dite, ndryshe nga të sapomartuarit shqiptarë nën komunizëm që shkonin në punë, ai shkoi tjetërkund: në ferr! Pasi do vetëvritej 24 orë më pas, në çift. Dhe kjo ka ndodhur si sot 70 vjet më parë.
Pistoleta që po paraqesim është edhe arma e përdorur nga Hitler për të realizuar vetëvrasjen, e ndodhur kjo 10 ditë para se të nenshkruhej marrëveshja e kapitullimit pa kushte të Gjermanisë Naziste, pas avancimit te pandalshëm të trupave aleate Anglo- Amerikane dhe atyre Sovjetike. Sipas studiuesve, kjo pistoletë është edhe arma se cilës njerëzimi i ka një borxh të madh.
Kjo pistoletë që i përket Modelit PP, është e prodhuar nga fabrika Valter, e cila është e larë në ar dhe e stilizuar mjeshtërisht me dorë. Ka dy versione: që ajo të ishte e prodhuar jashtë serie, sipas porosisë së bërë nga vetë Hitleri, ose të ishte ndonjë dhuratë në ditët e shënuara të jetës së tij. Arma me vlera të mëdha historike është gjendur në bunkerin ku Hitleri ka kryer vetëvrasjen.
Sic shikohet dorezat e armes së rrallë janë prej fildishi dhe mbi to është bërë incizimi i inicialeve te diktatorit Adolf Hitler. Pistoleta është e vendosur ne stendat e Muzeumit Hermitazh të San Pjeterburgut ne Rusi.
Hitleri në kujtimet e shëbrëtorëve
Arthur Kanberg, shërbëtori i Hitlerit, tregon sesi kënga e quajtur ‘’Blood Red Roses’ ‘ishte e preferuara e Hitlerit dhe Evës, prandaj ata e dëgjonin atë shumë shpesh. “Por, unë e mbaj mend Hitlerin si një figurë atërore, që gjithmonë përkujdesej për mua. Kurrë nuk e kisha parë atë si burrështetas, meqë nuk kam marrë pjesë në asnjë konferencë të tij. Ne mblidheshim vetëm kur ai na thërriste për të na dhënë urdhra. Edhe në raste të tilla, si herëve tjera, ai ishte shumë i kujdesshëm”.
Kanberg tregon edhe se Hitlerit i pëlqenin thashethemet. Po ashtu, merret vesh se Hitleri ishte shumë i rregullt në pirjen e çajit të pasdites. August Vollenhaupt, berberi i Hitlerit, e përshkruan këtë të fundit si një njeri gjenial, fjalëbutë, i cili interesohej rreth gjendjes së familjes së tij (berberit) dhe i cili gjithherë donte të dinte se çka thoshin njerëzit në rrugë. Njëri nga funksionarët e bunkerit, i quajtur Lorenc, tregon se pasi që ishin martuar Hitleri me Evën, më 29 prill të vitit 1945, në bunker ishte organizuar një feste e vogël. Aty kishte edhe shampanjë, por Hitleri nuk kishte pirë fare. Ai ishte i interesuar rreth përpilimit të testamentit të tij.
Kufomat ishin djegur
Një kolonel i quajtur Holsten, i cili gjendej në bunker në momentin kur më 30 prill 1945 Hitleri dhe Eva i kishin dhënë fund jetës së tyre, tregon se kishte parë kufomat e tyre duke u tërhequr zvarrë deri në kopsht, ku ishin lagur me benzinë dhe ishin djegur. Holsten thotë se në atë moment, instinktivisht kishte ngritur dorën dhe kishte përshëndetur Hitlerin për herë të fundit.
Erih Kempka, shoferi i Hitlerit, që nga ditët e para të lëvizjes naziste, ishte ai që kishte siguruar karburantin për djegien e kufomave. Edhe ai thotë të ketë parë kufomat duke u bartur deri te kopshti. Bile edhe vet kishte ndihmuar në bartjen e tyre. Bashkë me të pranishmit e tjerë, ai i kishte dhënë përshëndetjen e fundit fyrerit të tij.
Përgatiti Mark Brunga – tesheshi.com
