“Rusia e Vladimir Putinit paraqet, një kërcënim më të madh për Bashkimin Evropian sesa ISIS”, ka thënë George Soros. Duke shkruar në “The Guardian”, Soros e ka quajtur Putinin “një takticient të talentuar”, i cili në vend se të ishte një “aleat potencial” në luftën kundër ISIS, ai në fakt është duke e “stimuluar” shpërbërjen e BE-së, duke e “përmbysur” Evropën me refugjatët sirianë. Ndërsa kërcënimi nga ISIS ka një “zgjidhje të thjeshtë: Të refuzosh të sillesh në atë mënyrë, që armiku yt dëshiron”, thotë Soros. “Kërcënimi që vjen nga Rusia e Putinit, do të jetë e vështirë për t’a përballuar. ”
Soros e akuzon Putinin për shfrytëzimin e luftës kundër të ashtuquajturit “Shtet Islamik” për të forcuar rënien e BE-së dhe, thotë se janë të paqarta veprimet e tij duke “biseduar e duke bashkëpunuar kundër një armiku të përbashkët, siç është ISIS.”
85-vjeçar i sheh sulmet ajrore ruse mbi Sirinë jugore dhe veriore, si një faktor që ka krijuar që me dhjetëra mijëra refugjatë të shpërngulen për në Evropë, për shkak të sigurisë. “Nuk ka asnjë dyshim që ai (Putini) ka ndërhyrë në Siri, në mënyrë që ta përkeqësojnë krizën evropiane të refugjatëve”, thotë G.Soros, duke shtuar se: “Pasi Putini pa mundësinë për ta përshpejtuar shpërbërjen e BE-së, ai e shfrytëzoi atë.” “Rusia dhe Evropa janë në prag të kolapsit, vetëm se shtrohet pyetja se cili do të kolapsojë i pari?”, thotë George Soros.
Soros parashikon fundin e Rusisë, duke parashikuar falimentimin e vendit në vitin 2017, për shkak të një pjesë të madhe të borxhit të saj të jashtëm, e kjo përkeqësohet edhe më shumë, për shkak të sanksioneve perëndimore dhe, rënies së çmimit të naftës. Ndërsa në anën tjetër, BE-ja, deklaron ai, ballafaqohet me shpërbërjen e saj, që rrjedh nga kriza financiare e vitit 2008, si dhe me krizën në rritje të refugjatëve.
“Mënyra më efektive e regjimit të Putinit për të shmangur kolapsin është, që shkaktojë sa më të shpejtë kolapsin e BE-së.” “Gara për mbijetesë vë BE-në kundër Rusisë së Putinit”, thotë ai.
“ISIS përbën një kërcënim për të dy palët, por kjo nuk duhet të mbivlerësohet. Sulmet nga terroristët xhihadistë, megjithëse të tmerrshme, nuk krahasohen me kërcënimin që vjen nga Rusia.”
Marrë nga: The Indipendent
Përktheu: Mërgim Rudari – /tesheshi.com/
Burimi:
