Hakerët kanë publikuar më shumë se 2.500 dokumenate të Fondacionit për Shoqëri të Hapur, të cilën e udhëheq miliarderi amerikan George Soros, të cilat zbulojnë planet, strategjitë, prioritetet dhe aktivitetet tjera të Soros dhe përfshijnë raporte mbi zgjedhjet, emigracionin dhe azilin në Evropë.
Besohet se prapa rrjedhjes së këtyre dokumenteve qëndrojnë aktivistët amerikanë, të cilët dëshirojnë të paraqesin të vërtetën mbi “proceset e vendimmarrjes në SHBA, si dhe elementet kyçe në jetën politike amerikane”. Ekspertët amerikan për siguri, megjithatë, fajësojnë hakerët rus për rrjedhjen e këtyre dokumeteve.
Dokumentet, sipas RT dhe mediave amerikane, janë të grupuara në seksione, siç janë regjionet gjeografike, Banka Botërore si dhe Zyra e Presidentit dhe kanë të bëjnë me periudhat kohore mes viteve 2008 dhe 2016.
Sipas zëdhënëses së FBI Laura Silber, hakerët kanë publikuar fillimisht të dhënat mbi Fondacionin për Shoqëri të Hapur qysh në qershor. Ajo ka thënë se hetimet kanë treguar se dikush ka depërtuar në rrjetin e brendshëm të cilin e përdorin anëtarët e bordit, personeli dhe partenerët e Fondacionit të Sorrosit.
Hakerët kanë zbuluar emailët e ish sekretarit të NATO-s Philip Breedlove, në të cilat shihet përpjekja e tij për të provokuar presidentin amerikan të nisë një konflikt me Rusinë. Breedlove ka thënë se emailët e vjedhur kanë qenë pjesë e një operacioni të sigurimit shtetëror.
Gjithashtu përkujton se si Wikileaks para disa ditësh kishte publikuar se si miliarderi George Soros në vitin 2011 kishte dhënë instruksione Hillary Clinton-it se si t’i qaset trazirave të asaj kohe në Shqipëri.
/tesheshi.com/
