Duke u vetëquajtur një “petronins”, ambasadori i BE-së në Tiranë, italiani Luigi Soreca, ishte te shkolla e njohur e mesme e kryeqytetitm, nga ku u tha nxënësve se negociatat do hapen së shpejti. Kjo, në kuadër të ditës së parë të shkollës.
“Sot edhe unë ndihem petronins! Tradita juaj e një shkolle cilësore vazhdon dhe uroj që ju t’i çoni përpara vlerat e këtij institucioni shumë të rëndësishëm arsimi.
Ne si BE do t’ju ndihmojmë të forcoheni, pasi ju nxënësit e sotëm jeni e ardhmja e këtij vendi dhe sa më mirë e më me cilësi të përgatiteni ju, aq më shpejt Shqipëria do të jetë një vend anëtar me të drejta të plota ë Bashkimit Evropian.
Keni besim te Shqipëria ashtu siç kam unë! Shqipëria do të bëhet një vend më i mirë, kini besim!
Së shpejti, shpresoj që shumë së shpejti do të hapim negociatat me Shqipërinë në mënyrë që Shqipëria të bëhet vend anëtar i BE dhe të rikthehet në gjirin e BE, aty ku ky vend i përket gjithmonë”, tha diplomati i Brukselit. /tesheshi.com/
