Njeriu i Brukselit në Tiranë, ambasadori Luigi Soreca, ka bërë një gjest diplomatik duke i ofruar Progres-Raportin e KiE-së dhe kreut të opozitës jashtëparlamentare, z. Lulzim Basha. Madje ai vetë shpreh kënaqësinë për këtë.
“Shumë i kënaqur që takova kryetarin e Partisë Demokratike Lulzim Basha dhe i dorëzova atij raportin vjetor në të cilin rekomandohet të hapë negociatat e pranimit të Shqipërisë pa kushte. Integrimi në BE është prioritet kombëtar i përbashkët nga të gjitha anët politike”. ka shkruar Soreca.
Më parë, ai këtë raport ia dorëzoë dhe deputetes Rudina Hajdari, duke i dhënë legjitimitet kësaj të fundit, edhe për rolin e tij si kryetare e Komisionit të Integrimit.
Por gjesti i Soreca-s me Bashën, duke mos e anashkaluar si kryetar opozite, ndonëse jashtë sistemit, përbën një mbajtje “dore shtrirë” nga ana e Brukselit, në kërkim të një zgjidhjeje për krizën. /tesheshi.com/
