Ambasadori i BE-së në Tiranë, Luiggi Soreca, ka përcjellë një tjetër apel në adresë të politikës shqiptare teksa ka kujtuar 10-vjetorin e marrëveshjes së Stabilizim Asociimit.
Në një postim në Twitter, i dërguari i Brukselit kujton se të gjithë duhet të angazhohen për vendimin e qershorit.
“10 vjet më parë, më 1 Prill 2009, hyri në fuqi Marrëveshja e Stabilizim-Asociimit BE-Shqipëri dhe Shqipëria filloi zyrtarisht udhëtimin e saj drejt Bashkimit Evropian. Në këto dhjetë vjet, Shqipëria ka bërë përparim të prekshëm në shumë fusha.
Ende ka shumë sfida, veçanërisht në fushën e sundimit të ligjit. Tani është koha që të gjitha institucionet shtetërore, partitë politike, shoqëria civile, sektori privat, të gjithë njerëzit të punojnë së bashku për të nxitur më tej vendin, edhe në pikëpamje të vendimit të ardhshëm të qershorit”, shkruan ambasadori i BE-së në Tiranë. /tesheshi.com/
