Kosova dhe Shqipëria takohen sot në Zvicër në një ndeshje miqësore në futboll. Por sivjet shënohet edhe një jubile shumë interesant për të dyja këto përfaqësuese, 5-vjetori i ndeshjes së parë, të zhvilluar në shkurt të vitit më 1993.
Fiks çerek shekulli kanë kaluar nga takimi që shumë kush e quajti historik, nga dueli midis përfaqsueses së Kosovës që udhëhiqej nga trajneri Bylbyl Sokoli dhe asaj të Shqipërisë ku trajner ishte Neptun Bajko.
Udhëtimi dhe ndeshja ishte përcjellë nga shumë vështirësi dhe probleme, por në histori ka mbetur e shënuar se Shqipëria ka fituar me rezultat 3-1, kurse golin e parë për Shqipërinë e shënoi Eduard Abazi, futbollist që luajti në Ligën e Parë Federative të Jugosllavisë – kur kishte ikur nga regjimi i atëhershëm që po rrëzohej dhe kishte siguruar vend në ekipin e Hajdukut të Splitit.
Një autogol e kishte shënuar menjëherë Bardhec Seferi dhe Indrit Fortuzi, sulmuesi shumëvjeçar i Tiranës kishte shënuar golin e tretë për Shqipërinë, raporton Insporti duke u bazuar në shënimet e kohës.
Për Kosovën golin e vetëm në këtë ndeshje e kishte shënuar Kushtrim Munishi, i cili më vonë do të kalonte edhe një pjesë të karrierës së tij në Shqipëri, konkretisht tek Partizani.
Sipas shënimeve që Insporti ka gjetur përbërja e Kosovës që shihet edhe në foto, ka qenë kjo:
Në këmbë nga e majta: Bilbil Sokoli (tr.), Genc Hoxha, Ahmet Beselica, Fadil Berisha, Selaudin Jerliu, Gani Llapashtica, Bardhyl Seferi, Xhelal Zhupi;
Ulur: Nexhmedin Statovci (mass.), Sabit Bogujeci (tr.), Isa Sadriu, Ardian Kozniku, Muharrem Saiti, Sadullah Ajeti, Kushtrim Munishi. /tesheshi.com/
