Një prej sfidave më kulmore të kampionatit anglez luhet sonte në “Anfield”: Liverpul – Mançester Junajted.
Vë ajo përballë mbase ekipin më në formë momentalisht në futbollin anglez, Liverpulin, me një skuadër ende në tranzicion, që shpesh bën paraqitje të mira, siç bën dhe të këqija.
E veçantë është kjo sfidë dhe për përballjen mes dy prej trajnerëve më të mirë të futbollit europian: Klopp-it dhe Mourinho-s. Veçse gjermani nuk e sheh ndeshjen e sotme si betejë mes tij dhe portugezit.
“E kam thënë dhe më parë, nuk është Mourinho kundër Klopp-it,” ka deklaruar tekniku i Liverpulit në televizionin e klubi të tij.
“Eshtë Liverpuli kundër Junajtedit, dy ekipeve të mira. Ne jemi në garë për tre pikë, dhe kjo është e vetmja gjë për të cilën kam nevojë,” ka shtuar Klopp.
Sa për Mourinho-n, ja çfarë thotë ai: “Ai është një koleg shumë i suksesshëm dhe me shumë përvojë. Eshtë gjithmonë një sfidë e madhe, dhe kështu do të jetë këtë herë.”
Liverpuli kërkon tre pikët për t’i bashkuar Mançester Sitit dhe Arsenalit në krye të klasifikimit. Sfida mes Liverpulit dhe Mançester Junajtedit do të nisë në orën 21:00. /tesheshi.com/
