Sonja Biserko, themeluese dhe kryetare e Komitetit të Helsinkit për të Drejtat e Njeriut, tha se do të ishte e përshtatshme që Rusia në këtë moment të krijojë disa tensione në rajon.
Ajo e tha këtë në kuadër të analizës së situatës në rajon dhe ndikimeve të jashtme të aktorëve kryesorë ndërkombëtarë.
“Rusia nuk është e suksesshme në frontin ukrainas. Nuk po përparojnë, ndaj dhe do t’u shkonte pwr shtat krijimi i disa tensioneve tw reja. Këtë e shohim rreth çështjes së veriut të Kosovës, ku disa tensione po rriten pa arsye”, tha Biserko
Ajo ka komentuar edhe një dokumentar special në Russia Today- “Serbia: Signs of War; The stark future of the Kosovo” që u transmetua këto ditë, në të cilën mbrohet ndezja e zjarreve të luftës në Ballkanin Perëndimor.
“Grupet e krahut të djathtë marrin shumë hapësirë në mediat e tyre. Misha Vaciç i ekstremit të djathtë serb përsërit atë që tha përfaqësuesi i Partisë Progresive Serbe (SNS) në pushtet, Vladimir Gjukanoviç(për denazifikim të Ballkanit)”, shtoi ajo.
Megjithatë, Biserko thekson se “prania e NATO-s është e madhe”.
“Por Rusia nuk ka forcë, nuk ka as forcë ushtarake, – u tregua në Ukrainë – për të ndërmarrë sipërmarrje më serioze në Ballkan. Unë dyshoj se Serbia, pavarësisht zhurmës së armëve, do të guxonte të fillonte një operacion ushtarak. Nuk më duket realiste. Por nuk e di se cili është vlerësimi i tyre. Sido që të jetë, Serbia është e rrethuar nga vendet e NATO-s”, ka përfunduar Biserko. /tesheshi.com/
