Albin Kurti po vlerësohet si figurë shumë më e përshtatshme për president sesa Hashim Thaçi, i cili aktualisht mban këtë post dhe synon edhe një mandat nëse do të bëheshin ndryshimet kushtetuese që presidenti të zgjidhet direkt nga populli.
Mirëpo një sondazh në rrjetet sociale nuk i jep shumë gjasa Thaçit të rizgjidhet pasi favorit kryesor vlerësohet Kurti.
Në pyetjen se kë do ta votonit për President, Thaçin apo Kurtin, njerëzit bindshëm kanë favorizuar themeluesin e Vetëvendosjes me 65 përqind e njerëzve që kanë votuar kanë preferuar Kurtin, kurse vetëm 35 përqind kanë preferuar Thaçin.
Presidenti Thaçi në takimin që para ca ditësh mbajti me gazetarë tha se “nëse nuk ndryshohet Kushtetuta që mundëson që Presidenti të zgjidhet direkt nga populli, unë do të tërhiqem nga politika”.
Të njëjtën deklaratë ai e forcoi edhe në një intervistë të shkurt te Baton Haxhiu në Klan Kosova.
Ai tha se assesi nuk dëshiron më të zgjidhet në këtë post përmes votës së deputetëve të Kuvendit të Kosovës.
Aktualisht, sipas Kushtetutës së Kosovës, presidenti zgjidhet nga Kuvendi i Kosovës, por tash e sa vite qarkullon ideja që Presidenti të zgjidhet direkt nga populli.
Ndryshe, presidenti aktual ka edhe dy vite mandat. Nëse ndryshon Kushtetuta, qytetarët do të votojnë për president të ri në shkurtin e vitit 2020. /tesheshi.com/
