Një sondazh i përgatitur nga Instituti i njohur europian IPR Marketing e nxjerr Partinë Socialiste fituese të zgjedhjeve të 25 qershorit, duke e rritur me dy pikë nga rezultati i vitit 2013.
Siç bëhet e ditur nga sondazhi i publikuar në Ora News, i përgatitur nga pyetja e 1 mijë personave në të gjithë vendin, Partia Socialiste merr 43 për qind të votave, PD-ja 36 për qind, LSI 12 për qind, ndërsa LIBRA e Ben Blushit merr 1,2 përqind.
PDIU e Shpëtim Idrizit në këtë sondazh paraqitet shumë ulët, përkatësisht 1.8 për qind, ndërkohë që nuk duket farë Sfida e Bojaxhiut apo FRD e Bamir Topit.
Ky është sondazhi i parë nga një kompani e njohur ndërkombëtare që bëhet në publik.
Sipas këtij sondazhi PD rritet me 6 për qind nga viti 2013 kurse LSI me 3 për qind.
IPR Marketing publikoi edhe një sondazh për qarkun Tiranë, ku shifrat e të mëdhenjve ishin pak a shumë në një stad, por ra në sy se LIBRA e Ben Blushit ishte në një kuotë të lartë, rreth 6 për qind. /tesheshi.com/
