Gjysma e republikanëve amerikanë besojnë se zyrtarët e Byrosë Federale të Hetimit (FBI) vepruan në mënyrë të papërgjegjshme kur kontrolluan shtëpinë e ish-presidentit Donald Trump në Florida duke kërkuar dokumente të fshehta të Shtëpisë së Bardhë, tregoi një sondazh i Reuters/Ipsos.
Më 8 gusht, agjentët e FBI-së sekuestruan 11 grupe dokumentesh të klasifikuara nga resorti Mar-a-Lago i Trump në Palm Beach, disa prej të cilave u shënuan “tepër sekret”, një status i rezervuar për dokumentet me informacionin më të ndjeshëm.
Trump tha se ishte një akt i motivuar politikisht.
Sondazhi sugjeron se votuesit republikanë mund të jenë kryesisht në anën e Trump.
Një pjesë e konsiderueshme e republikanëve mbështetën veprimin e FBI-së, që është më afër qëndrimit të republikanëve të shquar, si ish-zëvendëspresidenti Mike Pence, i cili të mërkurën i bëri thirrje partisë që të ndalonte sulmin ndaj FBI-së.
54 për qind e të anketuarve besojnë se FBI dhe Ministria e Drejtësisë kanë vepruar në mënyrë të papërgjegjshme, ndërsa 23 për qind e tyre besojnë të kundërtën.
Të tjerët u përgjigjën se “nuk e di”.
Pikëpamjet mbi kërkimin e paprecedentë pasqyrojnë polarizimin e vendit.
Ndërsa republikanët mbështetën kryesisht Trump-in, 71 përqind e demokratëve dhe gjysma e votuesve “të pavarur” thanë se agjencitë federale vepruan me përgjegjësi.
Trump është ende shumë i popullarizuar në mesin e republikanëve dhe po konsideron një rikandidim presidencial në 2024.
FBI ka paralajmëruar se kërcënimet kundër agjencisë janë shtuar që nga kërkimi në Mar-a-Lago.
Tre ditë pas kontrollit në shtëpinë e Trump, një person i armatosur me pikëpamje të krahut të djathtë u përpoq të hynte në zyrën e FBI-së në Cincinnati dhe u qëllua për vdekje nga oficerët pas një ndjekjeje. /tesheshi.com/
